РУСКИ КЕРЕСТУР – Матей Сабадош, столнотенисер СТК „Русин”, зоз Руского Керестура, на тогорочней 26. Войводянскей домияди отриманей у Сримскей Митровици, освоєл 1. место поєдинєчно и 1. место екипно, а потим ше пласовал и на Републичне змаганє до Беоґраду дзе у екипней катеґориї освоєл 1, а у поєдинєчней 2. место.
На манифестациї у Сримскей Митровици участвовали коло 400 змагателє, дзе ше хлапци и дзивчата зоз 13 домох змагали у вецей спортох. Першопласовани ше потим пласовали на републичне стретнуце домох школярох хторе було отримане од 13. по 16. май у Беоґрадзе.
Матей на обидвох змаганьох наступел спред Дому школярох зоз Суботици.
![](https://www.ruskeslovo.com/wp-content/uploads/2023/06/00-2023-05-31-Matej-Sabados-large.jpg)