НОВИ САД – Тих дньох, пред самим концом школского року, вишла юнийско-юлийска Заградка зоз пригодним дарунком – налїпками.
У рубрики Сцеме знац и упознац зазначели зме атмосферу на дзецинскей манифестациї „Веселинка” у Новим Садзе и на роботньох на котрих представена сликовнїца „Наша свадзба” у Руским Керестуре, Коцуре, Дюрдьове и Новим Садзе.
У тим чишлє можеце упознац мачку Блису котру Стефани Рац обожава, а на боку Радио у Заградки Леа и Анамария Ранкович писали о наших правох и обовязкох.
Представяме вам и писмени состави котри наградзени на Смотри кириличней писменосци у Тителю, як и школярски роботи у рубрики Школяре авторе.
Ту и рубрика Читальня и Мала Заградка, як и рубрика Госци и новосци.