РУСКИ КЕРЕСТУР – У холу Основней и штреднєй школи зоз домом школярох „Петро Кузмяк”, вчера 18. юния, на пригодней шветочносци уручени дипломи 32 матурантом штредньошколцом. Наталия Жирош достала припознанє школяра ґенерациї.
![](https://www.ruskeslovo.com/wp-content/uploads/2024/06/18.6.2024.-Diplomi-veljkim-maturantom-afm-4-large.jpg)
Дипломи за успишно закончену штредню школу одн. ґимназию на руским наставним язику достали штверо школяре, ґимназиї на сербским наставним язику дзевецеро, и дзеветнацецеро за успишно закончени напрям туристично-готелиєрски технїчар.
![](https://www.ruskeslovo.com/wp-content/uploads/2024/06/18.6.2024.-Diplomi-veljkim-maturantom-afm-17-1-large.jpg)
![](https://www.ruskeslovo.com/wp-content/uploads/2024/06/18.6.2024.-Diplomi-veljkim-maturantom-afm-19-scaled-large.jpg)
Успишно закончену Школу „Петро Кузмяк” им повинчовала директорка Наталия Будински, а дипломи матурантом уручели оддзелєнски старшини Люпка Малацко, Леона Сабо и Єлена Тошич.
Припознанє школяра ґенерациї Наталиї Жирош школярски IV2, сербского оддзелєня ґимназиї придала оддзелєнски старшина Леона Сабо, а Жирошова подзековала на тей чесци и на шицким цо одноша зоз керестурскей Школи.
![](https://www.ruskeslovo.com/wp-content/uploads/2024/06/18.6.2024.-Diplomi-veljkim-maturantom-afm-22-large.jpg)
Додзельованє дипломох почало зоз штредньошколску гимну Ґаудеамус иґитур, а пригодну програму пошвецену матурантом и їх успихом по руски и сербски виведли їх рок младши товарише зоз трецей класи.
![](https://www.ruskeslovo.com/wp-content/uploads/2024/06/18.6.2024.-Diplomi-veljkim-maturantom-afm-31-large.jpg)