ВЕРБАС – Здруженє пчоларох Вербас всоботу, 21. октобра, орґанизовало 11. Фестивал меду, зоз цильом указац на значносц пчолох за природу и позитивну улогу меду и продуктох з меду у костираню и за чловеково здравє.
![](https://www.ruskeslovo.com/wp-content/uploads/2023/10/04-Verbas-Dragoljub-Krstic2023-1-large.jpg)
![](https://www.ruskeslovo.com/wp-content/uploads/2023/10/04-Vrbas-Krstic-2023.10-1-1-large.jpg)
Манифестация отримана у центру Вербасу, почала зоз културно-уметнїцку програму, а на штанди свойо продукти виложели дзешец продукователє з Вербасу и околних местох. Була то нагода же би Вербащанє покоштовали и купели прави, природни, квалитетни мед и рижни продукти з меду.
![](https://www.ruskeslovo.com/wp-content/uploads/2023/10/04-Beljevic-Dragos-Verbas20231021-large.jpg)
![](https://www.ruskeslovo.com/wp-content/uploads/2023/10/04-Feketic-Zoltan-Terek-2023.10.21-large.jpg)
Драґолюб Крстич, предсидатель Здруженя пчоларох Вербас гварел медийом же тот рок бул добри за пчоларство, єст надосц меду. Треба го предац и порихтац ше за нову сезону.
![](https://www.ruskeslovo.com/wp-content/uploads/2023/10/04-Kula-Jelena-Mikic-2023.10.21-large.jpg)
![](https://www.ruskeslovo.com/wp-content/uploads/2023/10/04-Milos-i-Natasa-Petrovic-Savino-S-2023.10-2-large.jpg)
![](https://www.ruskeslovo.com/wp-content/uploads/2023/10/04-Vrbas-Festival-meda-2023.10-1-large.jpg)
Понеже роботи коло пчолох за тоту сезону закончени, през жиму Здруженє пчоларох Вербас отрима скупштину, принєше плани за идуци рок и будзе орґанизовац серию преподаваня пчоларом.
![](https://www.ruskeslovo.com/wp-content/uploads/2023/10/04-Vrbas-Ekoloski-pokret-2023.10-1-large.jpg)