НОВИ САД – Драмски студио „Звонимир Павлович” Руского културного центру у Новим Садзе, пияток, 24. новембра премиєрно виведoл театралну представу „Конєц” автора и режисера Славка Виная.
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-20-large.jpg)
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-91-large.jpg)
Винаї текст написал по мотивох зоз творох Чарлса Буковского, хтори на тот завод инсценовани до форми сказки за одроснутих з елементами ґротески и бантер комедиї.
У представи „Конєц” бавя Борислав Сакач у улоги Краля, Ася Папуґа як Кралїца, Владимир Манько як Поета, и Желько Сопка и Йован Бєлица як Стражаре.
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-116-large.jpg)
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-117-large.jpg)
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-138-large.jpg)
Борислав Сакач и Ася Папуґа прешвечлїви як кральовска пара чий явни живот помпезни, а приватни фрустрираюцо празни, док Владимир Манько хторому то перша улога у представи по руски, приємно нєсподзивал у улоги Мирка Коняка Конца, (ище єдного) алтер-еґа Чарлса Буковского.
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-157-large.jpg)
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-183-large.jpg)
Наратор Славко Винаї, суфлерка Ивана Чордаш, музику и звучни ефекти обдумал Мирослав Пап, дизайн шветла Ириней Гудак, сценоґрафию Єлена Симонович и Славко Винаї, а продуцент и орґанизатор представи Владимир Сивч.
Представа нєшка, собота, 25. новембра будзе виведзена на Драмским мемориялу Петра Ризнича Дядї у Руским Керестуре, а шлїдуюцу соботу, 2. децембра и на Фестивалу малих сценских формох „Дюра Папгаргаї” у Новим Садзе.
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-206-large.jpg)
![](https://www.ruskeslovo.com/wp-content/uploads/2023/11/2023-11-24-NS-RKC-Konjec-W-216-large.jpg)