СТАРА ПАЗОВА – На Републичним змаганю зоз сербского язика як нємацеринского 26. мая у ОШ „Герой Янко Чмелик”, участвовали и школяре седмей и осмей класи ОШ „Петро Кузмяк” з Руского Керестура.
Од 93 школярох 8. класох Алекса Сопка завжал штварте место зоз 80% посцигнутих бодох, Теодор Штранґар 5. место 75%, а Емилия Мудри 6. место и 70%.
Змагали ше и два школярки зоз 7. класи, а то Мая Надь и Валентина Гарди, а за змаганє их пририхтовала наставнїца Мария Балїнт.
На цалим змаганю було шицкого 220 школярох и 100 наставнїкох, а треба надпомнуц же уж други рок як ше у тей ґрупи вєдно зоз школярами славянских меншинох змагаю и школяре зоз рашкого округу. Вони и того року посцигли найвисши места.