НОВИ САД – У Заводу за културу войводянских Руснацох, вовторок, 20. фебруара, отримана схадзка Управного одбору.
На схадзки було седем точки Дньового шору о хторих ше розправяло. Углавним ше одношели на прилапйованє Одлукох хтори допринєшу ефикаснєйшей роботи Заводу. То, насампредз, Одлука о прилапйованю Звита о оконченим пописованю маєтку и у вязи зоз тим обовязкох. Принєшени и Одлуки о прилапйованю финансийного звиту, звиту о роботи, як и Одлуки о розподзельованю добитку за прешли рок. Спрам податкох зоз закончуюцого рахунку Завода за културу войводянских Руснацох за 2023. рок, нє було добитку.
![](https://www.ruskeslovo.com/wp-content/uploads/2024/02/08-viber_image_2024-02-20_22-35-44-846-large.jpg)
Члени прилапели и Одлуку о вименкох Плану явней набавки и набавки на хтори ше Закон нє применює за чечуци рок.
Тиж так шицки дали согласносц на дополнєнє Правилнїка о орґанизациї и систематизациї роботох хтори предложел директор Заводу Саша Сабадош.
![](https://www.ruskeslovo.com/wp-content/uploads/2024/02/08-viber_image_2024-02-20_22-35-45-321-large.jpg)