НОВИ САД – Ансамбл керестурскей сцени Руского народного театру „Петро Ризнич Дядя” госцує нєшка, 24. юния, у Новим Садзе зоз представу „Метаморфози”.
Представа будзе виведзена у Ґимназиї „Лаза Костич” (Улїчка Лази Лазаревича 1), початок представи на 20 годзин.
Автор представи Милош Николич, а режирал ю Славко Орос. Текст за представу преложела Ирина Гарди Ковачевич, асистент режисера Таня Арва Планчак, майсторве тона и шветла Владимир Бесерминї и Желько Пашо, а за костими ше остарала Таня Орос. Суфлер и реквизитер Таня Арва Планчак.
Сонґи по ориґиналних прозних текстох М. Николича вишпивали И. Г. Ковачевич и С. Орос, а компоновал Владимир Малацко. За сонґ „Представа сходзи з репертоара” авторе текста Михал Рамач и Славко Орос, музика Ґоран Павич, аранжман Владимир Малацко. Шпивали: Мирослав Малацко, Марина Роман, Дорика Емейди, Емил Няради, Владимир Надь, Владимир Варґа и Михайло Бодянец. Знїманє и монтажа сонґох подписує Саша Палєнкаш.
Патрачом ше представи одлична керестурска ґлумецка екипа: Мирослав Малацко, Яким Винаї, Адриана Надь Барна, Ненад Канюх, Мая Зазуляк Гарди, Иван Емейди, Силвия Малацко, Владимир Варґа, Емил Няради, Владимир Надь, Ксения Бодянец, Наталия Зазуляк, Андрей Орос, Михайло Бодянец, Снежана Малацко, Ребека Планчак, Андрея Штефанко.
Уходнїца за представу 300 динари.