ЛОВЧЕНАЦ – Фодбалски клуб „Искра” соботу, 1. юния одбавел у Ловченцу предостатнє штернасте першенствене стретнуце ПФЛ Суботица, дзе бавел процив екипи ФК „Нєґош” и зазначел нєочековане пораженє од екипи зоз долнєй часци таблїчки зоз резултатом 3:1.
Искра наступела у составе – Мирослав Ступар, Марко Секулич (Зоран Суботич), Зоран Сердар, Мариян Малацко, Дамир Мачиженски, Борис Бодонї (Ненад Надь), Дамян Ґубаш, Миливой Ґаджич, Давид Неделькович (Лазар Милованович), Дамян Михняк (Драґан Комазец) и Данило Янкович (Павле Човс).
Єдини ґол за Искру дал Ненад Надь хтори вошол у другим полчасу.
У идуцим, остатнїм 15. першенственим колу ПФЛ Суботица, ФК Искра будзе бавиц у Коцуре на соботу 8. юния процив екипи ФК Таванкут зоз Таванкута а стретнуце почнє на 18 годзин.
