КОЦУР – У просторийох Етно клубу „Одняте од забуца” у Коцуре всоботу, 3. фебруара його предсидателька Аранка Медєши привитала покраїнского секретара за привреду и туризем др Ненада Иванишевича зоз його делеґацию, як и заменїцу предсидателя општини Вербас Тияну Алексич и директорку Туристичней орґанизациї општини Вербас Марию Златович-Арсениєвич.
З тей нагоди покраїнски секретар др Иванишевич обишол просториї Етно клубу, побешедовал зоз його предсидательку Медєшову и уручел єй дарунок – єден лаптоп рахункар.
![](https://www.ruskeslovo.com/wp-content/uploads/2024/02/08-2024-02-03-КОC-Etno-klub-ORU-3-large.jpg)
По словох Медєшовей, тот лаптоп барз значни за Етно клуб, понеже тераз годни уношиц до рахункару шицки податки котри маю и котри треба зачувац.
Нащива закончена зоз бешеду присутних о Етно клубу, експонатох котри ту виложени, алє и о историйним скарбу шицких народох котри жию у Коцуре, а котри ше у тих просторийох чува од забуца.
![](https://www.ruskeslovo.com/wp-content/uploads/2024/02/08-2024-02-03-КОC-Etno-klub-ORU-2-large.jpg)