БИКИЧ – На швето Сошествиє Святого Духа, познатше як Русадля, вчера отримана традицийна културна манифестация „Пришли нам Русадля” у орґанизациї КПД „Иван Котляревски”.
Шветочни концерт у Доме култури отворели домашнї, шпивацка ґрупа КПД „Иван Котляревски” зоз шпиванку „Русадля, Русадля”. Потим наступели наймладши, Дзецинска ґрупа спомнутого Дружтва зоз пригодним дзецинским танцом.
„Бикичанки” ше представели зоз шпиванками, як и Старша шпивацка ґрупа КПД „Дюра Киш” зоз Шиду, хтора шпивала руски и сербски народни шпиванки, а шпивацка ґрупа СКУД „Єднота” зоз Шиду виведла венчик словацких народних шпиванкох.
![](https://www.ruskeslovo.com/wp-content/uploads/2023/06/08-IMG_6716-1-large.jpg)
![](https://www.ruskeslovo.com/wp-content/uploads/2023/06/08-IMG_6727-2-large.jpg)
![](https://www.ruskeslovo.com/wp-content/uploads/2023/06/08-IMG_6714-1-large.jpg)
През шпиванку ше представели и школяре хтори уча руски язик з елементами националней култури у основних школох шидскей општини, а порихтала их наставнїца Наташа Еделински Миколка. На концерту наступели и госци зоз КУД „Осиф Костелник” з Вуковару и то дует хтори одшпивал два шпиванки.
![](https://www.ruskeslovo.com/wp-content/uploads/2023/06/08-IMG_6723-2-large.jpg)
![](https://www.ruskeslovo.com/wp-content/uploads/2023/06/08-IMG_6730-2-large.jpg)
![](https://www.ruskeslovo.com/wp-content/uploads/2023/06/08-IMG_6712-1-large.jpg)
Опрез будинка школи етно штанди мали здруженя женох „Маря” зоз Шиду, „Радосц” з Бачинцох, „Жридло”, з Беркасова „Филип Вишнїч”, з Вишнїчева и „Моровичанки” з Моровичу.
На концу манифестациї ше танцовало и шпивало коло „майового древка” вец го леґинє и зрубали после чого предлужене друженє на коктелу.
![](https://www.ruskeslovo.com/wp-content/uploads/2023/06/08-IMG_6706-2-large.jpg)
![](https://www.ruskeslovo.com/wp-content/uploads/2023/06/08-IMG_6708-2-large.jpg)
![](https://www.ruskeslovo.com/wp-content/uploads/2023/06/08-IMG_6709-2-large.jpg)