НОВИ САД – У пополадньових и вечарших годзинох всоботу, 8. юния, отримани 23. фестивал дзецинскей творчосци Руснацох у Войводини „Веселинка”. Тоту манифестацию уж традицийно орґанизує Руски културни центер у рамикох котрей обовязно орґанизована и даяка роботня за дзеци, а потим и програма котру пририхтую учительки Оля Яковлєв и Ана-Мария Рац.
![](https://www.ruskeslovo.com/wp-content/uploads/2024/06/2024-06-09-NS-Veselinka-W-22-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-29-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-47-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-52-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-7-large.jpg)
Того року на роботнї була представена сликовнїца зоз роботну теку „Наша свадзба” котру видала НВУ „Руске слово”. Роботню, водзели Олена Папуґа, Андрея Штефанко и Ясмина Дюранїн, а окрем новосадских дзецох, присутни були и школяре зоз Вербасу, Коцура и Нового Орахова. После представяня дзепоєдних свадзебних обичайох, дзеци вифарбйовали рисунок зоз сликовнїци и дружели ше зоз своїма парняками.
![](https://www.ruskeslovo.com/wp-content/uploads/2024/06/2024-06-09-NS-Veselinka-W-152-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-162-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-180-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-192-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-120-large.jpg)
Вечаршу програму отворели дзеци з новосадских предшколских установох и школяре зоз основних школох зоз рецитациями и шпиванками, а провадзел их хор Руского културного центру и фахови музични сотруднїк Йован Бєлица.
![](https://www.ruskeslovo.com/wp-content/uploads/2024/06/2024-06-09-NS-Veselinka-W-244-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-271-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-305-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-315-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-359-large.jpg)
У предлуженю програми наступели госци – Дзецинска фолклорна ґрупа зоз Дюрдьова КУД „Тарас Шевченко”, Школа танцу и сценских уметносцох ФОКСИ, Дзецинска шпивацка ґрупа КПД „Карпати” зоз Вербасу, дзеци з Нового Орахова, а потим младша и старша фолклорна ґрупа КУД „Жатва” зоз Коцура. На концу ше представел старши дзецински фолклорни состав АКУД „Соня Маринкович” з Нового Саду.
![](https://www.ruskeslovo.com/wp-content/uploads/2024/06/2024-06-09-NS-Veselinka-W-400-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-420-large.jpg)
Конферансу водзела Ивана Чордаш, а фестивал помогли Министерство култури Републики Сербиї, Город Нови Сад – Городска управа за културу и Национални совит Руснацох.
![](https://www.ruskeslovo.com/wp-content/uploads/2024/06/2024-06-09-NS-Veselinka-W-489-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-574-large.jpg)
![](https://www.ruskeslovo.com/wp-content/uploads/2024/06/2024-06-09-NS-Veselinka-W-97-large.jpg)