ШИД – Одборнїки Скупштини општини (СО) Шид, на вчера, 30. априла отриманей схадзки принєсли Одлуку о Просторним плану општини, а тиж и одлуку о початку виробку Програми за унапредзованє социялней защити на подручу општини.
Тиж принєшена и Одлука о способе витворйованя права на финансийну помоц дзецом, школяром и студентом зоз хтору одредзене же безплатни учебнїки достаню и окреме талантовани школяре.
СО вигласала и одлуку о початним ликвидацийним билансу як позарядового финансийного звиту ЯКП „Явне ошвиценє, услуги и отримованє“, а одборнїки розришели длужносци окончователя длужносци директора спомнутого подприємства Славицу Сремац, хтора уж скорей менована за ликвидацийного управителя, а розришени и потерашнї члени Надпатраюцого одбору спомнутого подприємства.
Як наявел предсидатель Скупштини општини Шид Тихомир Стаменкович, вчерайша схадзка локалного парламента була предостатня у тим зволаню, а скорей локалних виберанкох хтори буду отриманаи 2. юния, у цеку мая будзе отримана ищє єдна, остатня схадзка у тим зволаню.
![](https://www.ruskeslovo.com/wp-content/uploads/2024/04/2024-04-30-SID-Shadza-Skupstini-opstini-VLD-2-large.jpg)