ПОЖАРЕВАЦ – На Републичним змаганю з ґеоґрафиї за школярох основних школох котре отримане за викенд у Пожаревцу участвовала и школярка седмей класи Основней школи „Братство єдинство” зоз Коцура Надя Бесерминї.
На тим змаганю найвисшого ранґу коцурска школярка указала одличне знанє и завжала друге место.
По тот високи пласман Надя сцигла дзекуюци пририхтованьом зоз свою наставнїцу Бояну Килибарда, котра єй була потримовка и на тим змаганю.