ФЕКЕТИЧ – Фодбалски клуб „Искра” всоботу 25. мая одбавел у Фекетичу тринасте першенствене стретнуце ПФЛ Суботица, дзе бавел процив екипи ФК „Ядран”, а стретнуце ше закончело без побиднїка зоз резултатом 2:2.
Искра наступела у составе – Мирослав Ступар, Марко Секулич, Лазар Милованович, Зоран Сердар, Мариян Малацко (Давид Неделькович), Драґан Комазец (Ненад Надь), Дамир Мачиженски, Борис Бодонї, Дамян Ґубаш, Миливой Ґаджич и Данило Янкович (Дамян Михняк). Ґол за Искру дал Дамян Ґубаш зоз пеналу, док други ґол за Искру уписани як автоґол.
Идуце 14. першенствене стретнуце ПФЛ Суботица, ФК „Искра” будзе бавиц на соботу 1. юния у Ловченцу процив екипи ФК „Нєґош”, а стретнуце почнє на 17:30 годзин.
