СЕЧАНЬ – Пецеро рецитаторе зоз Дюрдьова и Руского Керестура од 21–23. април наступели на 53. покраїнскей смотри рецитаторох „Поето народу мойогоˮ и зазначели красни резултати.
У наймладшим возросту зоз Дюрдьова наступела Мария Рамач зоз Дюрдьова и Милена Рамач зоз Руского Керестура и обидва з наступом виборели свойо место у 18 златних рецитаторох Войводини.
![](https://www.ruskeslovo.com/wp-content/uploads/2023/04/08-2023-04-21-23-СЕЧАНЬ-Покраїнска-мсотра-рецитаотрох-Иван-олнар-Дюрдьов-6-large.jpg)
![](https://www.ruskeslovo.com/wp-content/uploads/2023/04/08-2023-04-23-СЕЧАНЬ-Мария-Рамач-Дюрдьов-large.jpg)
![](https://www.ruskeslovo.com/wp-content/uploads/2023/04/08-2023-04-23-СЕЧАНЬ-Милена-Рамач-РК-large.jpg)
У штреднїм возросту наступел Иван Молнар зоз Дюрдьова котри тиж виборел пласман медзи 18 найлєпших рецитаторох.
У катеґориї старши возрост наступела Милица Михальовски зоз Дюрдьова и Валентина Новта зоз Руского Керестура, котра тиж зазначела успих, – буц медзи 18 златних рецитаторох.
Того року у Валєву Руснаци нє буду мац свойого представнїка. Заш лєм, посцигли вельки успих бо ше штверо рецитаторе нашли медзи найлєпшима, златнима рецитаторами Войводини.
![](https://www.ruskeslovo.com/wp-content/uploads/2023/04/08-2023-04-21-23-СЕЧАНЬ-Покраїнска-мсотра-рецитаотрох-Златни-рецитаоре-шстреднї-возрост-2-large.jpg)
Фахово руководителє рецитаторох були Яким Гарди, Мирослав Малацко и Оленка Живкович. Селектор смотри бул Предраґ Момчилович, ґлумец и професор на Академиї УНС, а консултант за руски язик була Амалия Ковач, наша ґлумица и рецитаторски педаґоґ зоз Кули.
![](https://www.ruskeslovo.com/wp-content/uploads/2023/04/08-2023-04-21-23-СЕЧАНЬ-Жири-large.jpg)