БЕОҐРАД – Математични турнир, односно 49. Математична олимпияда представя екипне першенство основних и стреднїх школох Републики Сербиї у математики, а отримане є всоботу, 18. мая, у Беоґрадзе.
На тим Републичним змаганю того року ше змагали школяре зоз 55 основних и 33 стреднїх школох.
Участвовала и екипа коцурскей Основней школи, у чиїм составе були школяр VIII класи Душан Керкез, школярка VII класи Надя Бесерминї, школярка VI класи Миня Шкрбич, школярка V класи Андєлина Бербер и зоз IV класи Аня Сакач, а водзели их наставнїца Оксана Мудри Недич и наставнїк Далибор Пиварски.
И на тим престижним змаганю млади коцурски математичаре указали одличне знанє, а резултати буду обявени концом мешаца.