ЛИПАР – У сали КУД „Липар“ у Липару отримана 63. Општинска смотра дзецинскей музично-фолклорней творчосци на котрей участвовали и два фолклорни ґрупи Дома култри Руски Керестур.
На смотри всоботу, 27. априла представела ше младша и старша фолклорна ґрупа, од котрих ше на зонску смотру до Кули, котра будзе 11. мая, пласовала старша ґрупа. На смотру ше пласовали зоз хореоґрафию „Вечар на валалє“, а хореоґрафка Андрея Штефанко.
Того дня ше у Липару змагали лєм КУД „Сербия“ зоз Кули и Дом култури Руски Керестур, док ше аматере зоз Сивцу и КУД „Непкер“ зоз Кули представели другого дня, пре особни причини, виявела Андрея Штефанко.