КОЦУР – У церковней сали грекокатолїцкей церкви Успения Пресвятей Богородици у Коцуре вчера, 9. априла отримани традицийни Вельконоцни вашар котри орґанизовал парохиялни Каритас.
После Службох Божих у предполадньових годзинох, парохиянє могли нащивиц церковни просториї и поопатрац рижнородне понукнуце котре порихтали числени домашнї викладаче.
![](https://www.ruskeslovo.com/wp-content/uploads/2023/04/01-00-2023-04-09-KOC-Veljkonocni-vasar-ORU-5-large.jpg)
![](https://www.ruskeslovo.com/wp-content/uploads/2023/04/01-00-2023-04-09-KOC-Veljkonocni-vasar-ORU-10-large.jpg)
![](https://www.ruskeslovo.com/wp-content/uploads/2023/04/01-00-2023-04-09-KOC-Veljkonocni-vasar-ORU-8-large.jpg)
Нащивителє могли купиц вельконоцни прикраски, венчики, домашнї колачи и резанки, писанки, рижни ручни роботи. Тиж, заинтересовани себе купели и приготовени, вицифровани паски за наиходзаце швето.
Полни мещки числених парохиянох були знак же и тот Вельконоцни вашар бул успишни.
![](https://www.ruskeslovo.com/wp-content/uploads/2023/04/01-00-2023-04-09-KOC-Veljkonocni-vasar-ORU-11-large.jpg)