ШИД – У Спортским центре всоботу отримана традицийна привредно-туристична манифестация „Шидска колбaсияда“ хтору урядово отворел предсидатель општини Шид Зоран Семенович.
На манифестациї опрез Спортскей хали указане швидке фаластованє швинї, а у гали було вецей штанди зоз колбасами и сухима месовима продуктами як и продукти з млєка потим вина, палєнки, колача и лакотки як и продукти ремеселнїкох.
![](https://www.ruskeslovo.com/wp-content/uploads/2023/02/03-sid-IMG_6428-large.jpg)
![](https://www.ruskeslovo.com/wp-content/uploads/2023/02/03-sid-IMG_6429-large.jpg)
Тиж штанди мали и здруженя женох з општини Шид, а медзи нїма и Здруженє женох „Маря“ зоз Шиду „Бикичанки“ з Бикичу и „Жридло“ з Беркасова, а представели ше и дзепоєдни продукователє Руснаци зоз своїма продуктами.
У рамикох манифестациї отримани змаганя у продукциї швижей колбаси потим хто швидше поє пражени колабаси и хто швидше випиє пиво.
![](https://www.ruskeslovo.com/wp-content/uploads/2023/02/03-sid-IMG_6437-large.jpg)
![](https://www.ruskeslovo.com/wp-content/uploads/2023/02/03-sid-IMG_6432-large.jpg)
![](https://www.ruskeslovo.com/wp-content/uploads/2023/02/03-sid-IMG_6435-large.jpg)
На манифестациї ше добре єдло, пазарело и забавело, а госцох и учашнїкох було зоз рижних городох, та и з Републики Словениї, Горватскей и Босни и Герцеґовини односно Републики Сербскей, а на концу отримана шветочна вечера у ресторану „Аґропапук“.
![](https://www.ruskeslovo.com/wp-content/uploads/2023/02/03-sid-IMG_6449-large.jpg)