КОЦУР – Медзинародне швето роботи, Перши май, означене пондзелок и у Коцуре. Вельке число Коцурцох тото швето звичайно препровадзує на побрежю коло каналу ДТД, а тей традициї ше нє одрекли анї того року.
Зменшованє вилєтних местох на побрежю коцурскей часци каналу Дунай-Тиса-Дунай обачлїве уж длугши час. Пре нєстаємну хвилю яка ше зна трафиц тиж зна буц менєй вилєтнїкох, алє того року хвиля була красна и слунечна та велї тот дзень препровадзели у природи.
![](https://www.ruskeslovo.com/wp-content/uploads/2023/05/04-2023-05-01-KOC-Persi-maj-ORU-5-large.jpg)
Велї Коцурци ше заш лєм одлучели випечиц роштиль дома зоз фамелию и приятелями, а велї котри були у можлївосци одпутовац даґдзе, углавним пошли на Палич, Фрушку гору и подобни локациї. На таки способ, у веселей атмосфери, зоз смачним єдзеньом означене Медзинародне швето роботи и у Коцуре.
![](https://www.ruskeslovo.com/wp-content/uploads/2023/05/04-2023-05-01-KOC-Persi-maj-ORU-1-large.jpg)
![](https://www.ruskeslovo.com/wp-content/uploads/2023/05/04-2023-05-01-KOC-Persi-maj-ORU-2-large.jpg)
![](https://www.ruskeslovo.com/wp-content/uploads/2023/05/04-2023-05-01-KOC-Persi-maj-ORU-6-1-large.jpeg)