КОЦУР – Фодбалски клуб „Искра” внєдзелю 21. априла одбавела на домашнїм терену осме першенствене стретнуце ПФЛ Суботица, процив екипи ФК „Виноґрадар” зоз Гайдукова и зазначела прешвечлїву побиду зоз резултатом 6:0.
Искра наступела у составе – Филип Хромиш, Марко Секулич, Зоран Сердар, Мариян Малацко, Драґан Комазец (Зоран Суботич), Дамир Мачиженски, Борис Бодонї, Ненад Надь (Лазар Милованович), Дамян Ґубаш, Миливой Ґаджич (Дьордє Байчич) и Дамян Михняк (Павле Човс).
Ґоли за Искру дали: Зоран Сердар и Дамян Ґубаш дали по два ґоли, а Драґан Комазец и Борис Бодонї дали по єден ґол.
Идуце 9. першенствене стретнуце ПФЛ Суботица, Искра будзе бавиц на соботу 27. априла у Сенти процив екипи ФК Сента, а стретнуце почнє на 17 годзин.