БЕРЛИН (НЄМЕЦКА) – Европске першенство у фодбалу – ЕУРО 2024, хторому домашня Нємецка, закончене вчера, 14. юлия. Фодбалска репрезентация Шпаниї у финалу победзела репрезентацию Анґлиї зоз резултатом 2:1 и по штварти раз постала перша на Европским першенству.
Фодбалере Шпаниї и Анґлиї бавели финале Европского першенства на Олимпийским стадиону у Берлину. Шпания, перши ґол дала на початку другого полчасу, ґол дал Нико Вилиямс. Анґлийци у 73. минути виєдначели резултат кед Кол Палмер потрафел процивнїцки ґол. Конечни резултат 2:1 и ґол за Шпанию посцигнул Оярзабал.
Европске першенство у фодбалу – ЕУРО 2024 почало пред мешацом, пияток, 14. юния кед одбавене перше стретнуце у ґрупи А медзи домашню репрезентацию Нємецкей и Шкотскей на стадиону у Минхену.
Фодбалска репрезентация Сербиї участвованє на Европским першенству у фодбалу закончела после ґрупней фази як остатня пласована селекция у ґрупи Ц, зоз два боди и єдним посцигнутим ґолом.