РУСКИ КЕРЕСТУР – На акцию добродзечного даваня креви, хтора отримана вовторок у Месней заєднїци Руски Керестур, одволали ше 17. валалчанє.
Од того числа, 15. дали крев, понеже два особи були одбити пре нєсполнєти здравствени условия. Од 15. були три жени, а просекова старосц давательох креви була коло 40 роки.
Представителє Червеного крижу зоз Кули з тей нагоди подзековали Месней заєднїци же уступели просториї, а тиж и шицким хтори ше одволали на акцию.
Орґанизатор акциї Червени криж Сербиї, Червени криж Войводини и Завод за трансфузию креви Войводини.