РУСКИ КЕРЕСТУР – Наймладших керестурцох у дзецинскей заградки „Цицибан” ПУ „Бамби” вчера нащивел Дїдо Мраз зоз своїма патульками и подзелєл им 168 скромни дарунки.
Нащиву Дїда Мраза и того року орґанизовали Месна заєднїца и ЯКП „Руском”, а дзеци зоз шицких воспитних ґрупох Дїдови Мразови рецитовали и шпивали пригодни шпиванки.
Дїдо Мраз у Керестуре 30. децембра будзе нащивйовац и дзеци у їх домох, а же би достали пакецик родичи их муша приявиц до Месней заєднїци по 28. децембер. Цена пакецика 700 динари.
![](https://www.ruskeslovo.com/wp-content/uploads/2022/12/08-21.12.2022.-Djido-Mraz-u-ovodi-foto-Ciciban-2-large.jpg)