СРИМСКА МИТРОВИЦА – Члени рецитаторскей секциї Културно-уметнїцкого дружтва „Тарас Шевченко” зоз Дюрдьова и того року наградзени зоз вилєтом за свой труд и посцигнути усшихи на змаганьох.
Валентина Салаґ, Мария Рамач, Иван и Владимир Молнар, вєдно зоз руководительом рецитаторскей секциї Якимом Гардийом всоботу, 14. октобра, нащивели Сримску Митровицу. Упознали вецей културу и историю того сримского городу, а конєц екскурзиї бул резервовани за нащиву Специялному резервату природи ,,Засавица”, хтори ше находзи нєдалєко од Сримскей Митровици.
Рецитаторе ше врацели зоз приємнима упечатками, а тот вилєт потримал Управни одбор Културно-уметнїцкого дружтва „Тарас Шевченко” зоз Дюрдьова.