РУСКИ КЕРЕСТУР – У добродзечней роботней акциї, а у орґанизациї Месней заєднїци Руски Керестур и Явного комуналного подприємства „Рускомˮ, всоботу 8. юлия керестурски базен вичисцени, а такой ютредзень було и красне число купачох.
![](https://www.ruskeslovo.com/wp-content/uploads/2023/07/00-2023-07-08-RK-Viciscovanje-bazena-ANM-16-1-large.jpg)
У вичисцованю базена, хторе почало на 9 годзин, тадицийно, участвовали коло 40-еро волонтере висших класох основней школи „Петро Кузмяк”, хторих предводзел наставнїк историї Деян Бучко, члени Здруженя спортских рибарох „Колякˮ, члени Добродзечного огньогасного дружтва Руски Керестур, члени ЯКП „Рускомˮ и Месна заєднїца.
Попри спомнутей акциї, всоботу коло базену поставени и седем нови столи, а ґу каждому и по два лавочки, та ше зоз тим, купачом и шицким другим хтори буду пребувац на базену, оможлївело вецей места за шедзенє у хладку.
![](https://www.ruskeslovo.com/wp-content/uploads/2023/07/00-2023-07-08-RK-Viciscovanje-bazena-ANM-21-1-large.jpg)