ВЕРБАС – Парохия Святого Владимира у Новим Вербаше ше уключела до гуманитарней акциї „Затичка за гендикеп”, за хтору потребне зберац затички з рижних пластичних фляшох.
Накадзи ше назбера одредзене количество, пластични затички ше ноши на рециклажу, а достати пенєж унапрямени за помоц особом з инвалидитетом.
Парох у Новим Вербаше о. Иґор Вовк гварел же достаточне же би парохиянє у тижню одкладали затички, а внєдзелю, пред Службу Божу, най их принєшу до церкви.
Тиж так, затички мож однєсц и до гоч хторого другого подприємства хторе потримує тоту акцию.