НОВИ САД – Штварток, 25. мая, на ладї „Цепелин” на Новосадским кею представени нови роман академика Юлияна Тамаша „Рика Мономах, мерач посметного часу”.
Дїло представене у рамикох Новосадского литературного фестивалу „Розгварки о любови (ґу читаню)”, хторому домашнї Дьордє Рандель, а попри автора Тамаша, о роману бешедовали редакторка виданя др Радмила Ґикич-Петрович и литературна критичарка Ксения Катанич.
Промоцию отворел Хор „Гармония” з Нового Саду, а вигодни простор за таки збуваня на Дунаю пополнєли числени госци.
Промоция цекла у читаню приказу кнїжки литературней критичарки Ксениї Катанич, як и у свйофайтовей нєформалней розгварки автора академика Тамаша з редакторку Ґикич-Петрович.
У представяню автобиоґрафского роману академика Тамаша активно участововала и публика.