ВЕРБАС – У старовербаскей церкви Покрову Пресвятей Богородици вчера преславени Кирбай, котри возвелїчал и апостолски еґзарх за грекокатолїкох у Сербиї владика Георгий Джуджар.
Архиєрейску Службу Божу з владиком сослужели о. Яков Кулич з Коцура, о. Яков Новак зоз Заґребу, керестурски капелан о. Михайло Шанта и капелан у Кули о. Платон Салак. Вирних споведал о. Иґор Вовк з нововербаскей парохиї, а присутних привитал домашнї парох о. Алексий Гудак.
З казаню о Покрову Пресвятей Дїви Мариї и єй значносци за вирних, владика Джуджар парохияном пожадал щешлїви и благословени Кирбай.
Кирбайски вашар коло нашей церкви того року бул досц вельки и рижнородни, алє пре подлу хвилю, нащива була слабша. Пре диждж анї на концу Служби нє бул обход коло церкви.