БЕОҐРАД – У кнїжкарньох „Просвитного прегляду” мож купиц Конкурс за упис школярох до штреднєй школи, по цени од 250 динари.
З конкурсом утвердзене число школярох за упис до першей класи штреднєй школи на териториї Сербиї – по школох, подручох роботи и образовних профилох.
Од идуцого тижня годно купиц и Информатор о упису до штреднєй школи, у хторим детально потолковане шицко цо вязане за боди, як и табеларни приказ максималного и минималного числа бодох по школох и образовних профилох, хтори витворени у прешлих рокох. Боди ше одноша на перши уписни круг и маю ориєнтацийни характер.
Цена Информатору будзе иста як прешлого року – 220 динари.