СВИДНЇК (СЛОВАЦКА) – У Свиднїку прешлого викенду отворени Информативни центер за туристох, хтори будзе служиц и як активни интернетски туристични водич, пише портал русинФОРУМ.
Инфо-центер, односно його канцелария, отворени у рамикох проєкту Дукла дестинатион у Свиднїку, а у нїм туристи и други заинтересовани найду шицки потребни информациї о тим реґионє Словацкей.
Як на отвераню Центру гварел месни посланїк Ян Гирчко, Центер допринєше розвою туризму и пропаґованю того реґиону, а край под Дуклю понука рижни интересантносци – историйни з двох шветових войнох, древени церквочки, медзи хторима велї и под защиту УНЕСКО-а, як и богату народну,културну традицию и фолклор.
Туристичне понукнуце мож видзиц на сайту єєє. дукладестинатион.цом.
Инфо-центер за туристох отворени под час шветочней академиї у Доме култури у Свиднїку, з хтору означени и 9. май, Дзень побиди над фашизмом.