ДЮРДЬОВ – Всоботу, 12. марца, у просторийох Културно уметнїцкого дружтва „Тарас Шевченко” у Дюрдьове отримани традицийни Осмомарцовски концерт, з нагоди Дня женох.
У програми участвовали члени Дружтва, дзеци зоз дюрдьовскей основней школи и предшколскей установи и госци – наймладши члени новосадского Руского културного центру з Нового Саду.
Дзеци у двогодзиновей програми у двацец пейц точкох своїм мацером винчовали 8. марец з рецитациями, шпиванками и инструменталами, а наступели солисти, шпивацки и танєчни ґрупи.
За тоту нагоду дзеци пририхтали їх уметнїцки руководителє, учительки и виховательки – дзеци з Дюрдьова пририхтали Марина Сабадош, Єлена Салаґ, Меланка Саламун, Марча Хромиш, Тамара Салаґ, Сенка Станкович, а з Нового Саду Ана Мария Рац и Владимир Иван.
Програму водзели Иван Хромиш и Мария Горняк, а конферансу написал Яким Чапко.
По законченю програми, членїци Дружтва присутних послужели зоз домашнїма колачами котри направели на роботнї. Тота роботня отримана всоботу дополадня, а предводзела ю Саня Хромиш.