ЖАБЕЛЬ – На 38. Сайме туризму у Беоґрадзе, хтори отримани од 18. по 21. фебруар, представене и туристичне понукнуце Туристичней орґанизациї Општини (ТОО) Жабель, вєдно з ТОО Србобран и Бечей.
Нащивительох з понукнуцом жабельскей општини на Сайме поблїжей упознала директорка ТОО Жабель Мария Чупич, а представени туристични, ґастрономски и вински потенцияли, як цо то Чарда „Наша ловарска приповедка”, Ресторан „Широки хладок”, Винария „Ботич”, Польопривредне ґаздовство „Радишич”, Ґолф-терен у Жаблю, Дестилерия „Two doves”, СЗД „Бомбонка и „Миньон”.