НОВИ САД – Виглєдовацки круг тих дньох обявел поволанку за участвованє на Трецей науковей конференциї младих науковцох и фаховцох, хтора будзе отримана 21. мая у Новим Садзе.
На Конференциї можу участвовац шицки студенти основних, мастер, специялистичних и докторских студийох з обласци дружтвених наукох, а котри нє маю вецей як 35 роки.
Теми роботох би ше требали одношиц на прешлосц и терашньосц Руснацох у Сербиї, Европи и у швеце, на други теми вязани за тематику рускей заєднїци, як и за Руснацох у контексту интеркултуралних студийох.
За прияву и други информациї треба ше явиц на е-адресу research.circle.voj@gmail.com, Сашови Сабадошови (sabadossasa@ymail.com/061/1846-646), лєбо Ани Римар (ana.rimar@yahoo.com).