РУСКИ КЕРЕСТУР – Длуго чекане вичисцованє базену у Руским Керестуре будзе на соботу 13. юлия, а за исти дзень наявене и отверанє сезони купаня.
У вичисцованю базена буду участвовац Месна заєднїца як главни орґанизатор, Явне комуналне подприємство „Руском”, Добродзечне огньогасне дружтво, Здруженє спортских рибарох „Коляк”, дзеци зоз школи „Петро Кузмяк”, а з тей нагоди поволує ше и шицких других заинтересованих валалчаньох же би ше придружели акциї.
З тей нагоди, секретар Месней заєднїци Михайло Пашо ище раз наглашел же базен и роботи коло оправяня дражки за базеном у компетенциї Явного подприємства „Води Войводини”, а нє Месней заєднїци, и подзековал Керестурцом на порозуменю и сцерпеню же ше роботи оддлужели, а сезона купаня одцагла.
Роботи ище нє цалком докончени, нєшка ше бетонираю дражки, алє вони по соботу буду закончени, наявює секретар.
Роботна акция заказана за 8 годзин, а после вичисцованя будзе отворена сезона купаня.