НОВИ САД – Водостой на рики Дунай опадує, вчера 26. юния утаргнута порядна защита од вилївох на часци Дунаю од державней гранїци зоз Мадярску по Бачку Паланку, гвари ше у сообщеню на сайту Явного водопривредного подприємства „Води Войводини”.
Порядна защита од вилївох остава и надалєй на 18 километри од Апатину, як и у зони Сримскей Каменїци, Петроварадину и Сримских Карловцох на 11,44 километри.
Водостой на Дунаю опадує, алє фахово служби ЯВП „Води Войводини” поряднє обиходза терен и провадза пременки, гвари ше у сообщеню.