ҐОСПОДЇНЦИ – У 29. колу Подручней фодбалскей лиґи Нови Сад, хторе одбавене 1. юния у Ґосподїнцох, фодбалере ФК Бачка 1923 зоз Дюрдьова страцели у стретнуцу зоз фодбалерами Єдинства, зоз резултатом 3:2.
Ґоли за Бачку дали Ненад Дюрич и Душан Топчиов.
Перши ґол на стретнуцу посцигли фодбалере зоз Ґосподїнцох у 4. минути. По конєц першого полчасу, Дюрдьовчанє виєдначели резултат у 27. минути.
У другим полчаше Ґосподїнчанє бавели вельо лєпше од фодбалерох дюрдьовскей Бачки. Вони посцигли ище два ґоли, у 50. и 72. минути, покля Дюрдьовчанє посцигли єден ґол, у 63. минути.
После того кола Бачка на пиятим месце на табїчки зоз штерацец бодами. У шлїдуюцим колу, хторе будзе и остатнє у тей сезони, дюрдьовски фодбалере на домашнїм терену привитаю фодбалерох ФК Омладинац зоз Степановичева.