НОВИ САД ‒ У Церкви св. апостолох Петра и Павла у Новим Садзе, внєдзелю 2. юния браца Владимир и Иґор Ґоґа прияли першу причасц, Господа Исуса Христа. З тей нагоди парох о. Юлиян Рац им подаровал Нови завит, икони и грамоти.
Парох подзековал родичом и вироучительки Меланиї Римар же пририхтала братох за тоту барз важну подїю и гварел же най нє забуваю на свою Церкву. Дзеци треба же би росли у християнскей вири, же би як одроснути були християнє, хтори по волї Отца нєбесного, зоз Исусом и дарами Духа Святого маю жридло живота, мира и доброти.
