СУБОТИЦА – На Шампионату Сербиї хтори бул отримани внєдзелю, 19. мая у Суботици, кобула Парма Ферм завжала перше место за гарла од 3 до 15 роки домашнього одхову.
За кобулу Парма Ферм хтору вожел Борис Нович, чий власнїк Иван Медєши, то була 10. побида за шором а 27. у кариєри.
Обегованє у хторей участвовала и кобула Парма Ферм, ношело назву „Державне першенство за гарла од 3 до 15 роки”, а наградни фонд того обегованя бул 80.000 динари.
Длужина драги виношела 1.600 метери, а Парма Ферм стартовал зоз числа 3.
Кобула Парма Ферм тото обегованє вибежала у часу од 1:15:4 по километру, а у тей партиї бежали 4 конї.
Орґанизатор конїцких обегованьох бул КК „Бачка” зоз Суботици.
