РУСКИ КЕРЕСТУР – У парохиї св. оца Миколя означени перши день швета Сошествиє св. Духа у шицких Службох Божих, а першопричашнїком оможлївене же би ше мировали после служби на пол дванастей.
Службу служел госц зоз Канади о. Янко Гербут и керестурски капелан о. Владимир Медєши, а парох керестурски им помагал и споведал вирних. Керестурец на служби у Канади пришол зоз вистку же постал главни священїк при владикови у катедрали у Едмонтону. Наймладшим, першопричашнїком було оможлївене же би ше помировали после служби як и шицки присутни.
После вечаршей Служби Божей и далєй ше модлї Молебен до Пречистей Дїви Мариї, а после молебена будзе ше модлїц дзевятнїца до св. Духа.
На други дзень Русадльох, пондзелок, служби буду на 8 годзин на 10 и вечарша на 19 г у Водици и у шицких службох будзе мированє.
На вовторок, 21. мая Завитни дзень котри установени 1853. року. У Водици Архиєрейска служба будзе на 11 г. Окрем нашого владики кир Георгия Водицу першираз нащиви владика крижевски Милан Стипич. Свойо присуство наявели госци зоз Горватскей, вирни и священїки зоз Вуковару и Петровцох, як и вирни зоз священїками нашей Епархиї.
