РУСКИ КЕРЕСТУР – На керестурским теметове, 10. мая на 10 г керестурски парох о. Владислав Варґа модлєл панахиду на гробе дакедишнього керестуского пароха о. Петра Копчая.
У краткей бешеди о. Владислав Варґа визначел значносц дакедишнього пароха керестурскей парохиї Петра Копчая под час чийого службованя у Керестуре вибудована церква, нєшка катедрална, и иконостас у нєй котри перла сакралней уметносци у Войводини, а чий автор Арсениє Теодорович. У истим гробе похвани и син Петра, о. Янко Копчаї, за нас тиж окреме значни, бо бул священїк котри записал перши документи збуваньох у Водици.
Панахиди присуствовали госци зоз Свиднїка зоз Словацкей, Милан Цоцуля зоз свою супругу и Йоаким Грубеня зоз свою супругу котри обдумали и закончели обнавянє памятнїка на гробе пок. о. Копчая.
