ЧЕРВИНКА – На Специялки нємецких овчарох, вистави хтора отримана у Червинки всоботу, 27. априла участвовали и Биляна и Михал Надьово зоз Руского Керестура зоз двома псами и у моцней конкуренциї зазначели красни резултати.
Пес (Gaucho Vom Funken Spiel) – кратка шерсц завжал 2. место у катеґориї од 3 до 6 мешаци, док сука (Gala Vom Funken Spiel) – длуга шерсц зважала 5. место тиж у катеґориї од 3 до 6 мешаци.
Судийове хтори оценьовали на вистави у Чевинки були зоз Нємецкей, Патрик Сенд и Бернд Вебер.
Скорей вистави, пияток, 26. априла отримане обучованє за покладанє „везен тесту”, понеже по новим правилнїку Кинолоґийного союзу Сербиї скорей „керунґа”, перше ше муши покладац „везен тест”.
Орґанизатор Специялки нємецких овчарох у Червинки була Асоцияция нємецких овчарох Сербиї (АНОС), док директор вистави бул Марко Йовович.
Надьово тиж участвовали и на першей Специялки нємецких овчарох у Старих Бановцох, там участвовали зоз суку (Gala Vom Funken Spiel) –длуга шерсц и псом (Gaucho Vom Funken Spiel) – кратка шерсц и завжали два 2. места, а змагали ше у катеґориї од 3 до 6 мешаци.
На другей Специялки нємецких овчарох участвовали у Змаєве, дзе участвовали лєм зоз суку (Gala Vom Funken Spiel) – длуга шерсц хтора завжала 1. место у катеґориї од 3 до 6 мешаци.
Обидва вистави оценьовали судийове зоз Сербиї.
