ШАБАЦ – Тим Штреднєй школи „Петро Кузмяк” з Руского Керестура Ребека Сабадош, Клара Катрина, Анита Чизмар, Андрея Надь и Емина Бики орґанизовани до поднїмательней школскей компаниї „Аквафиз” достал найвецей боди за свойо концетровани мидла и як з нїма ришиц локални проблем, спомедзи 10 екипох на АПШИФТ роботньох котри отримани од 15. по 17. април у Шабцу.
Тим керестурскей Школи достал и 100.000 динари од орґанизатора же би реализовал свою идею же би з тим концентрованим мидлом у форми сущацих таблетох могло ришовац проблем нєдостаточней гиґиєни при социялно загрожених дзецох одн. школярох.
Орґанизатор роботньох орґанизация Досцигнуца младих у сотруднїцтве з Уницефом Сербия и Дженезис проєктсом, котри шицким на роботньох додзелєли свойого ментора, а змагали ше 10 екипи зоз Сербиї, котри пришли зоз Суботици, Нового Саду, Шабцу, Беоґраду, Сврлїґу, Враню и Руского Керестура, як и 10 зоз Босни и Герцеґовини. З обидвох державох вибрани и потримани по пейц школярски идеї.
Най здогаднєме, сущаце мидло у своєй компаниї „Аквафиз” керестурски школярки обдумали початком того року вєдно з товаришом Ґлорияном Штранґаром и з меноторку професорку Валентину Русковски.