ШИД – Пред початком Велькопноцного посту, а з нагоди такволаного „пущаня“ на ютре, соботу, 16. марца, парох беркасовски и вироучитель о. Владимир Еделински Миколка будзе у церкви у Шидзе служиц Службу Божу за виронаучни дзеци, на 15 годзин.
Од 16 годзин у Руским доме школски и виронаучни дзеци ше буду дружиц и источасно едуковац о виробку диґиталних рисункох хтори им укаже школярка з Руского Керестура Лана Штранґар, а на концу ше шицки засмача з бухтами.