РУСКИ КЕРЕСТУР – Вєдно зоз владиком кир Георгийом Джуджаром, парохом керестуским о. Владиславом Варґом, о. Владимиром Медєшом, о. Михайлом Шантом и о. Ярославом Варґом, вирни всоботу, 10. фебруара у каплїци Мариї Лурдескей, у архиєрейскей Служби Божей означели єй швето зоз молитву ружанца пред и Молебеном до Пречистей Дїви Мариї по Служби Божей.
![](https://www.ruskeslovo.com/wp-content/uploads/2024/02/01-2024-02-10-РК-Швето-Мариї-Лурдскей-2-large.jpg)
У своєй казанї кир Георгий визначел же и ми од Мариї Лурдескей можеме модлїц и питац за нашо нужди и болї, душевни и физични. Бог прейґ обявеня Мацери Божей указал же є з нами, же є з людзми и же сце и жада спашиц нас прейґ Мариї котра соодкупителька швета.
![](https://www.ruskeslovo.com/wp-content/uploads/2024/02/01-2024-02-10-РК-Швето-Мариї-Лурдскей-4-large.jpg)
Окрем архиєрейскей Служби Божей на дзешец годзин у Лурдескей каплїци службу на 15 годзин служел о. Платон Салак, ЧСВВ, а службу на 17 годзин декан сримски и парох шидски о. Михайло Режак.
![](https://www.ruskeslovo.com/wp-content/uploads/2024/02/01-2024-02-10-РК-Швето-Мариї-Лурдскей-3-large.jpg)