ОПШТИНА ШИД – Внєдзелю на Нови рок по юлиянским календаре и шветох Обризаниє Исуса Христа и Василия Велького, у грекокатолїцких церквох у општини Шид сообщени и податки зоз матрикулох за прешли 2023. рок.
У Шидзе по словох пароха о. Михайла Режака прешлого року нє було винчаних, покресцени пецеро дзеци и поховани 15 особи.
У Бачинцох, як нам гаверл парох о. Дарко Рац, 2023. року нє було винчаних и кресцених и поховани три особи.
Кед слово о парохиї у Беркасове, як наводзи парох о. Владимир Еделински Миколка, винчаних и кресцених нє було, а три особи поховани, у филияли Бикич у прешлим року тиж нє було винчаних и кресцених, а єдна особа похована.