НОВИ САД – На 54. Медзинародним саймe туризма у Новим Садзе, хтори тирва од 30. новембра по 2. децембер, покраїнски секретар за привреду и туризем Ненад Иванишевич отворел павильон ресорного секретарияту на хторим представени продукователє зоз териториї АП Войводини.
![](https://www.ruskeslovo.com/wp-content/uploads/2023/12/2023-12-01-NS-Sajam-turizmu-W-58-1-large.jpg)
На павильону ше представела Школа „Петро Кузмяк” зоз Руского Керестура, Туристичне здруженє Руски Керестур.
Продукти и палєнку зоз бундави представел Силвестер Русковски зоз Коцура.
Предмети зоз бундичкох виложел Мирослав Сорочко, кушнїр з Беркасова, хтори од влонї ношитель ознаки квалитету „Найлєпше зоз Войводини” у катеґориї стари ремесла.
![](https://www.ruskeslovo.com/wp-content/uploads/2023/12/2023-12-01-NS-Sajam-turizmu-W-55-1-large.jpg)
![](https://www.ruskeslovo.com/wp-content/uploads/2023/12/2023-12-01-NS-Sajam-turizmu-W-65-1-large.jpg)
На павильону ше представяю туристични, вински и ґастрономски окремносци, иновативносц як и мултикултуралносц и мултиетнїчносц АП Войводини.
На заєднїцким штанду Туристичней орґанизациї Войводини представели ше 23 локални туристични орґанизациї.
Туристична орґанизация општини Вербас (ТООВ) представела туристични понукнуца вербаскей општини, а пияток, 1. децембра, промовована манифестация „Капушнїк фестˮ, хтору ше уж традицийно отримує у фебруарe у Коцуре.
Членїци зоз коцурских Активох женох пририхтали капушнїки, алє и други лакотки, цо ше попачело нащивительом Сайма.
![](https://www.ruskeslovo.com/wp-content/uploads/2023/12/2023-12-01-NS-Sajam-turizmu-W-22-large.jpg)
![](https://www.ruskeslovo.com/wp-content/uploads/2023/12/2023-12-01-NS-Sajam-turizmu-W-25-2-large.jpg)