РУСКИ КЕРЕСТУР – У Основней школи „Петро Кузмяк” вчера отримани роботнї за першокласнїкох и школярох осмей класи котри пририхтали представителє Червеного крижа з Кули.
За першокласнїкох роботня ше волала „Помоцко”, а облапела активносци з котрима ше занїма тота найстарша шветова гуманитарна орґанизация. Червени криж у своєй дїялносци окончує и превенцию велїх нєприлапююцих дружтвених зявеньох, а єдна з нїх то и хороти зависносци. О тей теми преподаванє слухали школяре осмей класи.
Дзень пред тим за наймладших школярох першей и другей класи представитель транспортней полициї отримал роботню на тему їх безпечного участвованя у транспорту, а у рамикох проєкту „За щешлївше дзецинство” хторе витворює Министерство просвити.
