КУЛА – И тей нєдзелї, 22. октобра, у Дому здравя у Кули будзе орґанизовани превентивни препатрунок, з тей нагоди щитного шлїжнїка, а скорей одходу нєобходне заказац термин при секретарови Месней заєднїци Руски Керестур.
З кулского Дому здравя надпоминаю же на препатрунок треба же би пришли лєм здрави особи хтори скорей нє мали охоренє щитного шлїжнїка.
Препатрунки ше буду по истим розпорядку як и прешлей нєдзелї, та гражданє Липару и Кули на препатрунок можу присц у термину од 8 по 10 годзин, Руского Керестура и Крущичу од 10 по 12 годзин, а гражданє Сивцу и Червинки од 12 по 14 годзин.
Заинтересованим особом з валалу Месна заєднїца обезпечи превоз, за тих цо го нє маю, сход опрез Месней заєднїци на 9:30 годзин, а скорей одходу треба заказац термин при секретарови МЗ Михайлови Пашови на число 060/703-79-44.